Հունգարիայի արտաքին գործերի նախարար Պետեր Սիյարտոյի խոսքով՝ ՆԱՏՕ-ի գլխավոր քարտուղար Մարկ Ռյուտեի վերջին հայտարարությունները ցույց են տալիս, որ Բրյուսելում բոլորը դեմ են ԱՄՆ նախագահ Դոնալդ Թրամփի խաղաղության ջանքերին։

Սիջարտոն Մարկ Ռյուտեին կոչ է արել դադարեցնել պատերազմի շուրջ լարվածությունը:

Որպես իր խոսքերի ապացույց Պետեր Սիջարտոն նշել է ՆԱՏՕ-ի գլխավոր քարտուղարի Բեռլինում արած հայտարարությունները, որտեղ Ռյուտեն նշել է, որ Ռուսաստանը կարող է պատրաստ լինել 5 տարի անց հարձակվել ՆԱՏՕ-ի վրա։

Ինչպես նշել է Հունգարիայի արտաքին գործերի նախարարը, նման հայտարարությունները կտրուկ ու վտանգավոր փոփոխության նշան են և «գործնականում թիկունքից դանակ են խփում խաղաղ բանակցություններին»։

Սիյարտոյի խոսքով՝ Հունգարիան՝ որպես ՆԱՏՕ-ի անդամ, մերժում է այն պնդումը, թե Ուկրաինան ապահովում է եվրոպական երկրների անվտանգությունը։

«Ոչ թե Ուկրաինան է երաշխավորում եվրոպական երկրների անվտանգությունը, այլ ՆԱՏՕ-ն: Ուկրաինան պայքարում է իր համար, ոչ թե մեզ համար: Նմանատիպ սադրիչ հայտարարություններն անպատասխանատու և վտանգավոր են»,- Հունգարիայի վարչապետի աշխատակազմի խոսնակ Զոլտան Կովաչի կարծիքն է հրապարակել Հունգարիայի արտաքին գործերի նախարար Պետեր Սիյարտոն։