Վրաստանի արտաքին գործերի նախարարի այցը Հունգարիա ինձ հնարավորություն տվեց վստահեցնել նրան, որ Հունգարիան կմնա Եվրամիությանը Վրաստանի ինտեգրման ձգտումների ջատագովը,- ասել է Հունգարիայի արտաքին գործերի նախարար Պետեր Սիյարտոն Վրաստանի արտաքին գործերի նախարար Իլիա Դարչիաշվիլիի հետ համատեղ մամուլի ասուլիսում։

Նրա խոսքով, Վրաստանում վերջին տարիներին զգալի տնտեսական աճ է գրանցվել, և նա կարծում է, որ նման արագ զարգացում ունեցող երկրները կարող են լուրջ խթան հաղորդել Եվրամիությանը։

«Այս այցը և քննարկումը, որը մենք հենց նոր ավարտեցինք, ինձ հնարավորություն տվեց հավաստիացնել արտաքին գործերի նախարարին, որ Հունգարիան կմնա Վրաստանի՝ ԵՄ-ին ինտեգրվելու ձգտումների ջատագովը։ Ես նաև վստահեցրել եմ նախարարին, որ Հունգարիայի նախագահության ընթացքում մենք ամեն ինչ անելու ենք Վրաստանի ինտեգրացիոն գործընթացի առաջընթացն ապահովելու համար։ Վրաստանում վերջին տարիներին իրավիճակը շատ լավ է, նրանք հասել են զգալի տնտեսական աճի և երկրում տնտեսական զարգացման։ Մենք կարծում ենք, որ նման արագ զարգացող երկրները կարող են լուրջ խթան հաղորդել Եվրամիությանը։ Եվրամիությունը, որի մրցունակությունը, ցավոք, վերջին շրջանում զգալիորեն նվազել է, և այդ պատճառով Վրաստանի անդամակցությունը Եվրամիությանը բխում է Եվրամիության հիմնարար տնտեսական շահերից, հնարավոր է դրական ազդեցություն ունենալ Եվրամիության տնտեսության վրա», – ասել է Սիյարտոն։