Հունգարիայում կայանալիք խորհրդարանական ընտրությունները կարող են վճռորոշ լինել երկրի արտաքին քաղաքականության որոշման համար, ասել է հունգարական ընդդիմադիր «Տիսա» կուսակցության առաջնորդ Պիտեր Մագյարը։

«Ասոշիեյթեդ Փրես»-ին տված հարցազրույցում Մագյարն ասել է, որ խորհրդարանական ընտրությունները կլինեն հանրաքվե Հունգարիայի տեղի վերաբերյալ աշխարհում։

Նա ասել է, որ Վիկտոր Օրբանը վերջին տարիներին «180 աստիճանով շրջել է երկիրը», դրանով իսկ վտանգելով երկրի արևմտյան կողմնորոշումը և մերձենալով Մոսկվային։

«Այնուամենայնիվ, հունգարացիները դեռևս կարծում են, որ Հունգարիայի խաղաղությունն ու զարգացումը երաշխավորված են Եվրամիությանը և ՆԱՏՕ-ին անդամակցությամբ։ Կարծում եմ, որ սա իսկապես կլինի հանրաքվե մեր երկրի տեղի վերաբերյալ աշխարհում», – ասել է Մագյարը՝ վստահություն հայտնելով, որ իր քաղաքական ուժը համոզիչ հաղթանակ կտանի ընտրություններում։

«Նույնիսկ «Ֆիդես»-ի ընտրողները չեն ցանկանում, որ մեր երկիրը լինի Ռուսաստանի խամաճիկ պետություն, գաղութ, այլ ոչ թե եվրոպական ընտանիք», – ասել է Մագյարը։