Իհարկե, մենք կշարունակենք լավ հարաբերությունները Վրաստանի հետ,- ասել է «Տիսա» կուսակցության առաջնորդ Պիտեր Մադյարը։

Պիտեր Մադյարը պատասխանել է «Ռուսթավի2»-ի լրագրողի հարցին, որի համաձայն՝ «Հաշվի առնելով, որ Վրաստանն ու Հունգարիան ունեն երկարամյա բարեկամություն, որը դրսևորվում է ռազմավարական գործընկերության մեջ, ինչպե՞ս եք շարունակելու հարաբերությունները Վրաստանի հետ և արդյոք ավելի սերտ համագործակցություն կլինի՞ Վրաստանի կառավարության հետ»։

«Այն փաստը, որ Վիկտոր Օրբանի կառավարությունը սերտ կապեր ուներ Բալկանյան երկրների կամ այլ պետությունների հետ, չի նշանակում, որ Հունգարիան կունենա վատթարացած հարաբերություններ նույն երկրների հետ։ Սակայն, եթե Հունգարիան վատ հարաբերություններ ուներ որևէ երկրի հետ, մենք կփորձենք բարելավել դրանք, քանի որ մեր ընդհանուր շահերից է բխում միասին աշխատելը, համագործակցելը և միասին բարգավաճելը։ Ես ուրախ կլինեմ այցելել ձեզ Թբիլիսի կամ այլուր։ Ես անհամբեր սպասում եմ ձեզ հետ աշխատելուն, բայց մենք չենք միջամտի որևէ այլ երկրի ներքին գործերին, չենք փորձի ազդել ձեր երկրում, Հյուսիսային Մակեդոնիայում կամ այլուր անցկացվող ընտրությունների վրա։ Սա մեր ոճը չէ և սա որևէ եվրոպական կառավարության գործը չէ։ Բոլորը ընտրվում են իրենց երկրի ընտրողներին ներկայացնելու համար», – ասաց Պիտեր Մադյարը։