Չմոռանանք, որ մենք չենք կարող փոխել աշխարհագրությունը, մենք դեռևս կախված ենք ռուսական էներգամատակարարումներից,- ասել է «Տիսա» կուսակցության առաջնորդ Պիտեր Մադյարը։

Մադյարի խոսքով՝ նա գոհ է, որ Կրեմլը հարգանք է հայտնել Հունգարիայի ընտրությունների արդյունքների նկատմամբ։ Նրա խոսքով՝ ինքը ցանկանում է պրագմատիկ հարաբերություններ հաստատել Ռուսաստանի հետ։

«Չմոռանանք, որ մենք չենք կարող փոխել աշխարհագրությունը։ Մենք դեռևս կախված ենք ռուսական էներգամատակարարումից, բայց մենք կվերանայենք բոլոր պայմանագրերը», – ասել է Մադյարը։

Բացի այդ, Մադյարը խոսել է Վլադիմիր Պուտինի հետ հնարավոր շփումների մասին։

«Եթե Վլադիմիր Պուտինը զանգահարի ինձ, ես կպատասխանեմ հեռախոսին, բայց ես առաջինը չեմ լինի, ով կզանգահարի նրան։ Սակայն, եթե խոսենք, ես կխնդրեմ նրան դադարեցնել սպանությունները, դադարեցնել պատերազմը, քանի որ այս պատերազմն անիմաստ է։ Կարծում եմ՝ նա չի լսի իմ խորհուրդը, բայց հուսով եմ, որ շուտով ստիպված կլինի դադարեցնել պատերազմը», – ասել է Մադյարը։

Բացի այդ, Մադյարն ասել է, որ ցանկանում է լավ հարաբերություններ ունենալ Միացյալ Նահանգների հետ, բայց որ Դոնալդ Թրամփը չի զանգահարել իրեն։ Նրա խոսքով՝ Միացյալ Նահանգները շատ կարևոր գործընկեր է, որի հետ Հունգարիային անհրաժեշտ են լավ հարաբերություններ։

Մադյարը նշել է, որ Դոնալդ Թրամփը չի զանգահարել իրեն, բայց նրա վարչակազմը պատրաստ կլինի խոսել, եթե Սպիտակ տունը կապվի նրա հետ։