Փոխվարչապետ, էկոնոմիկայի և կայուն զարգացման նախարար Լևան Դավիթաշվիլին հանդիպել է Արժույթի միջազգային հիմնադրամի առաքելության ղեկավար Ջեյմս Ջոնի և առաքելության անդամների հետ։ Հանդիպմանը մասնակցել են նաև փոխնախարար Ռոմեո Միքաուտաձեն, Վրաստանում Արժույթի միջազգային հիմնադրամի ներկայացուցիչ Սելիմ Շեքիրը և այլք։

Հանդիպմանը քննարկվել են Վրաստանի տնտեսական միտումները, ընթացիկ և ապագա բարեփոխումները, մակրոտնտեսական ցուցանիշներն ու կանխատեսումները։ Հատուկ շեշտադրվել է էներգետիկայի ոլորտում ընթացիկ իրադարձությունները, այդ թվում՝ ոլորտի զարգացմանն աջակցության նոր սխեման, որը կնպաստի էներգետիկայի ոլորտում ներդրումների ներգրավմանը, նոր հզորությունների գործարկմանը և երկրի էներգետիկ անվտանգության որակի բարձրացմանը։

Նշվել է, որ ԱՄՀ-ի կանխատեսման համաձայն, չնայած մարտահրավերներին, Վրաստանը միջնաժամկետ հեռանկարում պահպանում է բարձր տնտեսական աճ տարածաշրջանի երկրների շրջանում։

Ընդգծվել է Վրաստանի կառավարության տնտեսական քաղաքականության հետևողականությունը, որն ուղղված է տնտեսական կայունությանը, բիզնեսի աջակցությանը և ներառական սոցիալական քաղաքականությանը։

Տեղեկությունը տարածում է էկոնոմիկայի նախարարության մամուլի ծառայությունը։