Փոթիի երրորդ հանրային դպրոցում, որտեղ բժիշկի մոտ ախտորոշվել էր կորոնավիրուս, աշխատում են համաճարակաբանները: Նրանց փոխանցմամբ, դպրոցի բժիշկը շփում է ունեցել կորոնավիրուսի վարակակիր անձի հետ, իսկ վարակն ախտորոշվել է պլանային հետազոտության ժամանակ:

Ինչպես հայտարարել է Փոթիի Իվանե Ջավախիշվիլու անվան երրորդ հանրային դպրոցի տնօրեն Լելա Կեմուլարիան, դպրոցը երկուշաբթի օրից կանցնի ուսուցման հեռավար ռեժիմի:

«Համաճարակաբաններն այս պահին հետազոտում են շփման շրջանակը: Ով երկրորդ հերթ է, նրանց ուղարկել ենք հաղորդագրություն, որ դպրոց չգան: Ցանկալի է, ախտահանվեն դասասենյակները և շենքը: Ինչպես ասում են համաճարակաբանները, բազմաթիվ կապեր կան, սակայն նրանք կշարունակեն իրենց աշխատանքը: Նախարարության հետ արդեն համաձայնեցրել ենք, որ երկուշաբթի օրից կանցնենք ուսուցման առցանց ռեժիմի»,- հայտարարել է երրորդ հանրային դպրոցի տնօրեն Լելա Կեմուլարիան: