Համայն Վրաստանի մահմեդական վարչության շեյխ, Ռամին Իդիգովը Դմանիսիի դեպքերի կապակցությամբ հայտարարում է, որ փոքր խմբերի միջև գոյություն ունեցող անհամաձայնությունը, էթնիկ հողի վրա սկսված ատելություն ներկայացնելը էլ ավելի է սրում իրավիճակը:

«Մենք շատ մտահոգված ենք երեկ տեղի ունեցած փաստի կապակցությամբ և սա է մեր ժամանման պատճառը: Ես տեսնում եմ փոքր խմբերի միջև գոյություն ունեցող անհամաձայնության, էթնիկ հողի վրա ատելության ներկայացում, ինչը շատ վատ է և ավելի է սրում իրավիճակը:

Ցավոք, կարծում եմ, որ որոշ լրատվամիջոցներում իրավիճակն այնքան խիստ էր ներկայացված, որ մարդկանց մոտ բարկություն առաջացավ, հնչջեցին այլատյաց հայտարարություններ և մեկնաբանություններ, ինչը մարդկանց ավելի կենտրոնացրեց մասնակցելու հանրահավաքին», – հայտարարել է Ռամին Իդիգովը:

Հիշեցնենք, ներքին գործերի նախարարության տեղեկությամբ, երեկ Դմանիսիում կենցաղային հողի վրա տեղացիները բախվել են միմյանց, ինչը վերածվել է խմբային բռնության:

Ներքին գործերի նախարարության աշխատակիցները կենտրոնացված են Դմանիսիում:

Ներքին գործերի նախարարությունը կոչ է անում հակառակված կողմերին հնազանդվել ոստիկանության օրինական պահանջներին և պահպանել հանդարտությունը: