ԱՄՆ-ի պատերազմի նախարար Փիթ Հեգսեթին հայտարարում է, որ ամերիկյան զինված ուժերը կշարունակեն արգելափակել Վենեսուելա մուտք գործող կամ այնտեղից դուրս եկող նավթատարները այնքան ժամանակ, մինչև Նիկոլաս Մադուրոյի ռեժիմը չվերադարձնի «բոլոր գողացված ամերիկյան ակտիվները»։

«Նախագահ Թրամփը հստակ ասել է. Վենեսուելայից ելող կամ Վենեսուելայի ուղղությամբ շարժվող սանկցավորված նավթատարների արգելափակումը կշարունակվի ամբողջ ուժով, մինչև Մադուրոյի քրեական ռեժիմը չվերադարձնի բոլոր գողացված ամերիկյան ակտիվները։ Պաշտպանության նախարարությունը ԱՄՆ-ի ծովային անվտանգության գործընկերների հետ միասին կկատարի ծովային շրջափակման գործողությունները՝ «Հարավային նիզակ» (Operation Southern Spear) գործողության շրջանակում՝ ապօրինի հանցավոր ցանցերը վերացնելու նպատակով։ Բռնությունը, թմրանյութերն ու քաոսը չեն վերահսկելու արևմտյան կիսագունդը», – գրել է Հեգսեթին։

Հայտնենք, որ այս հայտարարությունը հնչել է այն բանից հետո, երբ հայտնի դարձավ Վենեսուելայի ափերի մոտ ԱՄՆ-ի կողմից նավի ձերբակալման մասին։ Սա արդեն երկրորդ դեպքն է այս ամսվա ընթացքում։ «CNN»–ի տվյալներով՝ ձերբակալված նավթատարը շարժվում էր Պանամայի դրոշի ներքո, տեղափոխում էր նավթ Վենեսուելայից դեպի Ասիա։ Վենեսուելան ԱՄՆ-ի այս գործողությունը որակում է որպես միջազգային ահաբեկչություն։