Վրաստանի Ազգային բանկի տվյալներով՝ առևտրային բանկերի կողմից տրված վարկերի ծավալը 2022 թվականի փետրվարին նախորդ ամսվա համեմատ աճել է 1,09 մլրդ լարիով կամ 2,58 տոկոսով և այս տարվա մարտի 1-ի դրությամբ կազմել 43,25 մլրդ լարի։

Ըստ Կենտրոնական բանկի տվյալների՝ նույն ժամանակահատվածում ազգային արժույթով տրամադրված վարկերի ծավալն աճել է 117,60 մլն լարիով կամ 0,56 տոկոսով, իսկ արտարժույթով տրամադրված վարկերի ծավալն աճել է 970,22 մլն լարիով կամ 4,58 տոկոսով։

Ազգային բանկի տվյալներով՝ 2022 թվականի փետրվարի վերջին առևտրային բանկերը ռեզիդենտ իրավաբանական անձանց տրամադրել են 6,57 մլրդ լարիի վարկեր ազգային արժույթով, ինչը 1,61 տոկոսով պակաս է նախորդ ամսվա համեմատ, իսկ արտարժույթով վարկերը կազմել են 13,82 մլրդ լարի, ինչը 83%-ով ավելի է նախորդ ամսվա համեմատ։

Դրանց համաձայն՝ 2022 թվականի փետրվարի ընթացքում ռեզիդենտ տնային տնտեսությունների հատվածի վարկավորման ծավալն աճել է 2,57 տոկոսով կամ 551,95 մլն լարիով և այս տարվա մարտի 1-ին կազմել 21,99 մլրդ լարի։

Այս տարվա մարտի 1-ի դրությամբ ընդհանուր վարկերի լարացման գործակիցը կազմել է 48,79 տոկոս՝ 2022 թվականի փետրվարի 1-ի համեմատ նվազելով 0,98 տոկոսային կետով։