«TBC» բանկ ներխուժելու գործով կալանավորված Գուգա Գոցիրիձեին մեղադրանք է առաջադրվել ավազակային հարձակման հոդվածով, իսկ զենքը, որով նա ներխուժել է բանկ, փորձաքննության եզրակացությամբ պարզվել է, որ խաղալիք է և զենք գնելու, պահելու և կրելու համար մեղադրանք չի առաջադրվել:

Ինչպես Վրաստանի Առաջին ալիքին հայտնել է Գուգա Գոցիրիձեի փաստաբան Դավիթ Բարբաքաձեն, իր պաշտպանյալն ընդունում է, որ ներխուժել է «TBS» բանկ և գումար պահանջել։

Նրա խոսքով՝ Գոցիրիձեն բանկը լքել է ահազանգի միացումից 15 վայրկյան անց։

«Գոցիրիձեն դիմակով չէր, գլխարկով էր։ Նա իմ մանկության ընկերն է, և ես երբեք ոչ մի անադեկվատություն չեմ նկատել»,- ասաց փաստաբանը։

Նրա խոսքով, նույնիսկ ինքը՝ կալանավորը, չի կարող բացատրել հունվարի 3-ին «TBS» բանկ ներխուժումը, և դա կապում է ծանր հոգեբանական սթրեսի և ընտանեկան խնդիրների հետ։

Փաստաբանի խոսքով՝ մինչ բանկ ներխուժելը Գոցիրիձեն այս խնդիրների պատճառով փորձել է ինքնասպան լինել։

Ինչ վերաբերում է ձերբակալության վայրին, ապա, ըստ փաստաբանի, Գոցիրիձեն ձերբակալվել է Բախտրիոնիի իր տանը դեպքից մի քանի ժամ անց։ Բանկից թաքնվելուց հետո գնացել է տուն։