Դեմիրելի քոլեջի որակի կառավարման մենեջեր Մուստաֆա Էմրե Չաբուքին ներառել են պաշտպանության հատուկ ծրագրում,- այս լրատվությունը հաստատել է Չաբուքի փաստաբան, Սոսո Բարաթաշվիլին:

Ինչ վերաբերում է դատախազության դիրքորոշմանը, ապա ինչպես առաջին ալիքին հայտնել են գերատեսչությունից, ելնելով այն բանից, որ այս հարցը իրենից ներկայացնում է պետական գաղտնիք, մեկնաբանություն չեն անի:

Դեմիրելի քոլեջի որակի կառավարման մենեջեր, Մուստաֆա Էմրե Չաբուքի փաստաբանները, Չաբուքին պաշտպանության հատուկ ծրագրին ընդգրկելու պահանջով դատախազությանը դիմել են փետրվարի 23-ին:

Որպես պատճառ փաստաբանները բերել են որոշ վտանգներ:

Դեմիրելի անվան քոլեջի որակի կառավարման մենեջերին ձերբակալել էին 2017 թ. մայիսի 24-ին Թուրքիայի պահանջով: Նա մեղադրվել է ահաբեկչական խմբավորմանը սատարելու մեջ, որը Թուրքիայի իշխանությունների կարծիքով, կապ ունի Ֆեթհուլա Գյուլենի հետ: Գյուլենին Թուրքիայում մեղադրում են հեղաշրջման փորձի մեջ: