Փարիզում տեղի է ունեցել Էմանուել Մակրոնի և Մարկ Քարնիի հանդիպումը
Ֆրանսիայի նախագահ Էմանուել Մակրոնը Փարիզում հանդիպել է Կանադայի նոր վարչապետ Մարկ Քարնիին։ Վարչապետի պաշտոնում սա Մարկ Քարնիի առաջին արտասահմանյան այցն է։
Ինչպես նշել է Կանադայի վարչապետը Մակրոնի հետ հանդիպման ընթացքում, Կանադայի համար այսօր առավել քան երբևէ կարևոր է ամրապնդել հարաբերությունները Ֆրանսիայի նման վստահելի դաշնակիցների հետ։
«Երկու կողմերն էլ աջակցում են ինքնիշխանությանը և անվտանգությանը, ինչը դրսևորվում է Ուկրաինայի նկատմամբ ձեր առաջնորդությամբ մեր անսասան աջակցությամբ։ Այսօր, երբ մենք տեսնում ենք, որ աշխարհում ավելի ու ավելի շատ կառավարություններ մերժում են այս սկզբունքը, Կանադայի համար առավել քան երբևէ կարևոր է ամրապնդել հարաբերությունները Ֆրանսիայի նման վստահելի դաշնակիցների հետ»,- հայտարարել է Մարկ Քարնին։
Իր հերթին Ֆրանսիայի նախագահ Էմանուել Մակրոնն ասել է, որ միջազգային կանոններին հետևող առևտուրը ավելի արդյունավետ գործիք է բարեկեցության համար, քան մաքսատուրքերն են։
«Կարծում եմ, մենք երկուսս էլ հավատում ենք, որ արդար առևտուրը, որը հարգում է միջազգային կանոնները, լավ է բոլորի բարեկեցության համար։ Դա, անշուշտ, ավելի արդյունավետ է, քան մաքսատուրքերն են, որոնք առաջացնում են գնաճ և վնասում արտադրական շղթաներին ու մեր տնտեսության ինտեգրմանը»,- ասել է Մակրոնը։
Այսօր ավելի ուշ Մարկ Քարնին կմեկնի Լոնդոն։
Ֆրանսիայում Էմանուել Մակրոնի և Մարկ Քարնիի հանդիպումը տեղի է ունեցել Կանադայի և Եվրամիության՝ ԱՄՆ-ի հետ լարված առևտրային հարաբերությունների ֆոնին։