Պետության կողմից հաշմանդամություն ունեցող անձանց առջև ստանձնած պարտավորությունների կատարման տեսանկյունից փոխզիջումներ չեն լինի,- այս մասին Վրաստանի վարչապետ Գիորգի Գախարիան հայտարարել է խորհրդարանում, «Վրացական երազանք» խմբակցության անդամների հետ հանդիպման ժամանակ, պատասխանելով Միխեիլ Սարջվելաձեի հարցին:

Կառավարության ղեկավարի խոսքով, պետության վերաբերմունքը հաշմանդամություն ունեցող անձանց օգնելու առումով, նույնպես ցույց է տալիս պետության ու կառավարության դեմքը:

«Պետության կողմից հաշմանդամություն ունեցող անձանց առջև ստանձնած պարտավորությունների կատարման տեսանկյունից փոխզիջումներ չեն լինի: Իհարկե, այնտեղ խոսվում է որոշ ֆինանսական ծախսերի մասին, այն օրենքում, որի մասին դուք խոսում եք, բայց ընդհակառակը, այս գործընթացը չի շարունակվի: Երբ մենք խոսում ենք սոցիալական քաղաքականության հետագա կատարելագործման, բարելավման և ամրապնդման մասին, առանցքային դերերից մեկը, իհարկե, պետության վերաբերմունքն է հաշմանդամություն ունեցող անձանց օգնության հարցում, և դա ցույց է տալիս պետության և կառավարության դեմքը», – հայտարարել է վարչապետի թեկնածուն: