Պետնախարարը դեսպան Քելլի Դեգնանի հետ հանդիպմանը քննարկել է բռնազավթված տարածաշրջաններում անվտանգության և մարդու իրավունքների տեսանկյունից գոյություն ունեցող իրավիճակը
Հաշտեցման և քաղաքացիական հավասարության հարցերով Վրաստանի պետական նախարար Թեա Ախվլեդիանին հանդիպել է Վրաստանում ԱՄՆ-ի դեսպան Քելլի Դեգնանի հետ:
Ըստ պետնախարարի գրասենյակի, Թեա Ախվլեդիանին կարևորել է Միացյալ Նահանգների, որպես ռազմավարական գործընկերոջ աջակցությունը:
Ըստ նրանց, բացի քաղաքական և գործնական աջակցությունից, նշվել է նաև Վրաստանի խաղաղ նախաձեռնություններին իրականացման ճանապարհին, պատերազմի հետևանքով հասարակություններին հաշտեցնելու և վստահությունը վերականգնելու ջանքերին աջակցությունը:
Թեա Ախվլեդիանին շնորհակալություն է հայտնել Միացյալ Նահանգներին համավարակի ժամանակ Վրաստանի՝ Աբխազիայի և Ցխինվալի տարածաշրջանների բնակչությանը աջակցելու համար:
Թեա Ախվլեդիանին խոսել է նաև «քայլ դեպի ավելի լավ ապագա» խաղաղարար նախաձեռնության իրականացման կարևորության մասին, որը նպատակ ունի բարելավել բռնազավթված շրջաններում բնակչության սոցիալ-տնտեսական իրավիճակը: Պետնախարարը ընդգծել է միջազգային համադաշնության կողմից այդ ծրագրերին աջակցության անհրաժեշտությունը, որոնք հնարավորություն կտան հաղթահարել արհեստական խոչընդոտները: Իր հերթին ԱՄՆ-ի դեսպանը բարձր է գնահատել վրացական կողմին ջանքերը, հակամարտության խաղաղ լուծելու գործում և հայտնել իր աջակցությունը:
Պետնախարարի գրասենյակի տեղեկությամբ, կողմերը ողջունել են գրասենյակի և ԱՄՆ-ի դեսպանատան միջև սերտ համագործակցությունը, ինչպես նաև պայմանավորվել են հարաբերությունների հետագա խորացման վերաբերյալ:
Իր հերթին, Վրաստանում ԱՄՆ-ի դեսպան Քելլի Դեգնանը նախարարի հետ հանդիպումը անվանել է հետաքրքիր և նշել, որ Միացյալ Նահանգները շարունակում է մնալ Վրաստանի տարածքային ամբողջականության և ինքնիշխանության հզոր աջակիցը: