Մենք շատ ուշադիր հետևում ենք իրադարձություններին, հստակ հայտնել ենք մեր դիրքորոշումը, թե ինչ ենք մտածում Վրաստանի եվրոպական նկրտումների համար շատ վտանգավոր այս օրենքի նախագծի վերաբերյալ։ Հուսով ենք, որ դա առաջ չի գա, բայց մենք նաև հետևում ենք, թե ինչպես կզարգանան իրադարձությունները»,- ասել է Եվրամիության բարձր ներկայացուցիչ Փիթեր Ստանոն։

Նրա խոսքով՝ Եվրամիությունը և նրա անդամ երկրները բավականին հստակ բարձրաձայնել են իրենց ակնկալիքները։

«Քննարկումը շարունակվում է, օրենքի նախագծի քննարկումը երրորդ փուլում է։ Եվրամիությունը և նրա անդամ երկրները բավականին հստակ արտահայտել են իրենց ակնկալիքները։ Եթե ​​այս օրինագիծը հաստատվի, ապա դա լուրջ խոչընդոտ կլինի Վրաստանի եվրոպական հեռանկարի համար։ Սակայն կոնկրետ արդյունքները մենք կքննարկենք այն ժամանակ, երբ վերջնական արդյունքը կլինի, և անդամ երկրները միմյանց միջև կքննարկեն, թե ինչպիսին կլինի եվրոպական արձագանքը»,- ասել է Ստանոն։