Ո՛չ Ռուսաստանի, ո՛չ Հունգարիայի աշխարհագրական դիրքը չի փոխվի, մեր էներգետիկ կախվածությունը որոշ ժամանակ կմնա։ Եթե հանգամանքները պահանջեն, մենք ստիպված կլինենք բանակցել Ռուսաստանի նախագահի հետ, բայց մենք ընկերներ չենք դառնա,- ասել է «Տիսա» կուսակցության առաջնորդ Պետեր Մադյարը։

Ինչպես հաղորդում են տարբեր լրատվամիջոցներ՝ հղում անելով հունգարական հրատարակությանը, ընտրություններից մեկ օր առաջ հունգարական թերթին տված հարցազրույցում Մադյարը խոսել է Ռուսաստանից էներգետիկ կախվածության մասին և նշել, որ որոշակի հանգամանքներում Ռուսաստանի հետ երկխոսությունը կարող է անխուսափելի լինել։

«Եթե հանգամանքները պահանջեն, մենք ստիպված կլինենք նստել բանակցությունների սեղանի շուրջ Ռուսաստանի նախագահի հետ։ Ո՛չ Ռուսաստանի, ո՛չ Հունգարիայի աշխարհագրական դիրքը չի փոխվի։ Մեր էներգետիկ կախվածությունը նույնպես որոշ ժամանակ կմնա։ Մենք պետք է մեծացնենք դիվերսիֆիկացիան, բայց դա մեկ գիշերվա ընթացքում տեղի չի ունենա», – ասել է Մադյարը։

Մադյարը ընդգծել է, որ չնայած Ռուսաստանի հետ բանակցությունների անհրաժեշտությանը, «մենք ընկերներ չենք դառնա»։

Բացի այդ, ըստ Մադյարի, Հունգարիայում «ոչ ոք չի ուզում ուկրաինամետ կառավարություն, բոլորը ցանկանում են հունգարամետ կառավարություն»։

«Լավ կլիներ ունենալ կառավարություն, որը կլուծեր հունգար ժողովրդի իրական խնդիրները», – ասել է Մադյարը։