Չնայած համաճարակին՝ Վրաստանի տնտեսությունը վերականգնվել է 2021 թվականին և ցույց է տվել ուժեղ աճ՝ 10,4%-ով ավելի, քան 2020 թվականին,- այս մասին ասվում է Պետդեպարտամենտի 2022 թվականի Վրաստանի վերաբերյալ ներդրումային կլիմայի զեկույցում։

Զեկույցում ասվում է, որ Covid-19 համաճարակը հակադարձել է անցյալի ձեռքբերումները և զգալի ճնշում գործադրել ազգային արժույթների և տեղական տնտեսությունների վրա:

«Վրաստանի տնտեսությունը 6%-ով կրճատվել է 2020 թվականին՝ հատկապես կտրուկ կորուստներով զբոսաշրջության ոլորտում։ Չնայած Վրաստանը հաջողությամբ դիմագրավեց Covid-19 համաճարակի առաջին ալիքը, վարակի մակարդակը աճեց 2021 թվականի երկրորդ կեսին՝ ստիպելով կառավարությանը ընդունել մի շարք սահմանափակումներ, որոնք բացասաբար են ազդել տնտեսական գործունեության վրա։

Այնուամենայնիվ, Վրաստանի տնտեսությունը վերականգնվել է 2021 թվականին և ցույց է տվել ուժեղ աճ՝ 10,4 տոկոսով ավելի, քան 2020 թվականին։ Չնայած նրան, որ կառավարությունը և միջազգային ֆինանսական գործընկերները լավատեսական հեռանկարներ են կանխատեսել 2022 թվականի համար, Ռուսաստան-Ուկրաինա պատերազմի տնտեսական ազդեցությունը և Ռուսաստանի դեմ կիրառված պատժամիջոցները վնասել են աճի հեռանկարները և հանգեցրել աճի ցածր ակնկալիքներին», – նշվում է զեկույցում։