Պետական անվտանգության ծառայության աշխատակիցը պնդում է, որ Զոդելավան, Բուրչուլաձեն և Նադիրաձեն գլխավորել են նախագահական պալատի երկրորդ ներխուժումը հոկտեմբերի 4-ին
Թբիլիսիի քաղաքային դատարանում հոկտեմբերի 4-ի ցույցի գործի շրջանակում դատական նիստում հարցաքննվել է մեղադրող կողմի ևս մեկ վկա՝ Պետական պահպանության հատուկ ծառայության աշխատակից Գիորգի Ծվելիձեն։
Ծվելիձեն նիստի ընթացքում հիշել է հոկտեմբերի 4-ին նախագահական նստավայրի մոտ տեղի ունեցած իրադարձությունները։
«Սկզբում լրագրողները եկան նստավայրի մոտ, ապա՝ բողոքի ակցիայի մասնակիցները։ Չնայած բազմաթիվ զգուշացումները, որ տարածքը պահպանվում է և ներս մտնել չի կարելի՝ դա ապօրինի է, նրանք միևնույն է ներխուժեցին։ Սկսեցին ֆիզիկական և խոսքով վիրավորանքներ հնչեցնել։ Մի քանի րոպե տևեց ցուցարարների հետ, այսպես ասած, բախումը։ Ինչքան կարող էինք՝ փորձում էինք զսպել։ Շուտով ակցիային միացավ երկրորդ խումբը։ Այդ ներխուժմանն արդեն ղեկավարում էին Մուրտազ Զոդելավան, Պաատա Բուրջուլաձեն և Իրակլի Նադիրաձեն։ Մեկ-երկու րոպե անց շենքից դուրս եկան Հատուկ հանձնարարությունների վարչության աշխատակիցները։ Մեր աշխատակիցներից նույնպես ստացան վնասվածքներ», – հայտնել է Գիորգի Ծվելիձեն։