Փոթիի Ճավճավաձեի փողոցում գտնվող մետալուրգիական գործարանում պայթյուն է տեղի ունեցել: Դեպքի հետևանքով ոչ ոք չի տուժել։ Տեղացիների խոսքով՝ պայթյունն այնքան ուժգին է եղել, որ վնասել է մոտակա բնակելի շենքի պատերը։ Նրանց խոսքով, նման դեպքեր հաճախ են լինում, ինչը լրացուցիչ վտանգ է ներկայացնում վթարային շենքի համար։ Բացի այդ, տեղացիներն ասում են, որ գործարանի արտանետումները վնասում են իրենց առողջությանը:

«Պայթյունի ձայնից դուրս եկանք, մեծ շենք է, հին կառուցված ու փլուզված։ Մենք ստիպված ենք ապրել անտանելի պայմաններում: Արտանետվող աղտոտված օդը, աղմուկ, հաճախակի պայթյուններ: Այստեղ ապրում է 29 փոքր երեխա, և որոշ թեստեր ցույց են տվել երկաթի բարձր մակարդակ։ Ավելի քան 25 տարի մենք ուշադրություն ենք պահանջում»,- լրագրողներին ասել է տեղաբնակ Զուրաբ Դորչոշվիլին։

Մետաղագործական կոմբինատի ղեկավարությունից ասում են, որ անվտանգության նորմերը հնարավորինս պահպանվում են։

Տեղում մոբիլիզացվել է հրշեջ-փրկարարական խումբը, շտապօգնության խումբը և ոստիկանները։