«Քաղաքական հարցերը Եվրամիությունը չի որոշում ընտրություններից առաջ, ընտրություններից հետո կամ ընտրությունների ժամանակ քաղաքական հարցերը Եվրամիությունը չէ, որ որոշի, դա պետք է որոշեն Վրաստանի քաղաքացիները»,- ասաց Վրաստանում Եվրամիության դեսպան Պավել Հերչինսկին։

Նրա խոսքով՝ Եվրամիությունը հարգում է վրաց ժողովրդի կատարած ընտրությունը։

«Կարող եմ ևս մեկ անգամ կրկնել, որ մենք՝ Եվրամիությունը, հարգում ենք վրացիների ցանկացած ընտրություն։ Եվրամիությունը չէ, որ պետք է որոշի քաղաքական հարցեր ընտրություններից առաջ, ընթացքում կամ հետո։ Դա Վրաստանի քաղաքացիների որոշելիքն է։ Մենք բարձրաձայն և հստակ հայտարարել ենք, որ ակնկալում ենք, որ գալիք ընտրությունները կլինեն ազատ և արդար, ամենաբարձր չափանիշներին համապատասխան, ընտրությունները կլինեն լիովին ներառական, լիովին թափանցիկ և լիովին մրցակցային»,- ասաց Հերչինսկին։

Միաժամանակ Հերչինսկուն հարցրել են, թե ճի՞շտ է եվրոպացի գործընկերների հետ առևտուրն ու ներդրումների դադարեցումը, ինչին Վրաստանում ԵՄ դեսպանն ասել է.

«Վրաստանի ինտեգրումը Եվրոպային կասեցվեց հունիսին, դա Եվրամիության ղեկավարների որոշումն էր։ Մենք դադարեցրել ենք ֆինանսական օգնությունը Վրաստանին, կասեցվել են 120 մլն-ի ընթացիկ ծրագրերը։ Դուք, վրացիներդ, պետք է որոշեք, թե ինչպիսի ապագա եք ցանկանում ձեր երկրի համար: Այս պահին, վերջին ամիսներին, Վրաստանը մերձենալու փոխարեն հեռանում էր Եվրամիությունից»։