Ուղիղ երկու շաբաթից՝ դեկտեմբերի 14-15-ը, Եվրամիության ղեկավարները, 27 երկրների նախագահներն ու վարչապետները կհանդիպեն Բրյուսելում և որոշում կկայացնեն ընդլայնման փաթեթի վերաբերյալ, խոսքը 10 երկրների մասին է, որոնք հավակնում են միանալ Եվրամիությանը։ Այս փաթեթն առաջին անգամ ներառում է Վրաստանը, ինչը հատկապես զգացմունքային պահ է ինձ համար»,- ասել է Վրաստանում ԵՄ դեսպան Պավել Հերչինսկին։

Դեսպանի խոսքով՝ բոլորի համար կարեւոր է համախմբվելն ու միասին աշխատել, որպեսզի Վրաստանը ստանա Եվրամիության թեկնածու երկրի կարգավիճակ։

«Ինչպես գիտենք, նոյեմբերի 8-ին Եվրահանձնաժողովը դրական հանձնարարական է տվել 27 պետությունների՝ Վրաստանին թեկնածուի կարգավիճակ տրամադրելու վերաբերյալ։ Ես անկեղծորեն հուսով եմ, որ 27 երկրները հաշվի կառնեն Եվրամիության այս դրական հանձնարարականը, թեև մենք պետք է սպասենք ևս երկու շաբաթ, մինչև իմանանք այս որոշումը։ Շատ բան է արվել, իհարկե կարելի էր ավելին անել։ Մենք այնտեղ ենք, որտեղ կանք։ Վերջին օրերին նույնպես բազմաթիվ նոր նախաձեռնություններ եղան բարեփոխումներն առաջ տանելու համար։ Այս և հաջորդ քայլերի համար անհրաժեշտ են բարեփոխումներ, մինչև Վրաստանը դառնա Եվրամիության լիիրավ անդամ։ Ուրախ եմ, որ կառավարությունը շատ արագ գործեց և մի քանի օր առաջ Բրյուսել ուղարկեց 9 քայլից բաղկացած գործողությունների ծրագիրը։ Եվրահանձնաժողովի իմ գործընկերները կվերանայեն այս գործողությունների ծրագիրը, և նրանք կունենան արձագանքներ: Բոլորը պետք է միասին աշխատեն այս 9 քայլերն ավարտին հասցնելու համար, ինչը պահանջում է ներառականություն իշխանությունից և կառուցողական մոտեցում ընդդիմության կողմից»,- ասաց Հերչինսկին։