Սուրբ Ծնունդ-Ամանորն այն ժամանակն է, երբ մանկուց երազանք ենք պահում և սպասում դրա կատարմանը։ Իմ ամանորյա ցանկությունն իրականացավ, և Վրաստանը 2024 թվականը դիմավորում է Եվրամիության թեկնածու երկրի կարգավիճակով,- ասել է Վրաստանում Եվրամիության դեսպան Պավել Հերչինսկին, ում մեկնաբանությունը տարածում է Վրաստանում Եվրամիության ներկայացուցչությունը։

«Եվրամիության դեսպան լինելու ընթացքում ես չեմ հանդիպել Վրաստանի որեւէ քաղաքացու, ով նույն ցանկությունը չունենար, ուստի եկեք Սուրբ Ծնունդն ու Ամանորը դիմավորենք Վրաստանի այս պատմական ձեռքբերումով։ Շնորհավոր Ամանոր և Սուրբ Ծնունդ», – ասում է Պավել Հերչինսկին:

Բացի այդ, Վրաստանում ԵՄ ներկայացուցչությունը տարածում է տեսանյութ, որտեղ ԵՄ անդամ երկրների դեսպանները և «EU4Georgia»-ի հաղորդակցման թիմը շնորհավորում են Վրաստանի քաղաքացիների Սուրբ Ծնունդը և Ամանորը։

Մաղթում ենք ձեզ ուրախությամբ, հաջողություններով, նոր նախաձեռնություններով լի և ներդաշնակ 2024 թվական»,- ասված է շնորհավորանքի մեջ։