Չեմ կարծում, որ նախորդ կամ ներկայիս նախագահի դեմ իմփիչմենթի ընթացակարգը կնպաստի ապաբևեռացմանը և բարենպաստ մթնոլորտի ձևավորմանը ազատ և արդար ընտրությունների համար,- այս մասին լրագրողներին ասել է Վրաստանում Եվրամիության դեսպան Պավել Հերչինսկին։

Սակայն, ինչպես նշել է Հերչինսկին, Եվրամիությունում հավատում են  ժողովրդավարությանը։

«Վրաստանը միակ երկիրը չէ, որն ունի այսպես կոչված Համակեցությունը մի իրավիճակ է, երբ կառավարությունն ու նախագահը տարբեր տեսակետներ ու կարծիքներ ունեն։ Ես մի երկրից եմ, որտեղ հենց այս իրավիճակն ունենք։ Չեմ կարծում, որ նախագահի դեմ անցած կամ այս տարի իմփիչմենթի ընթացակարգը կնպաստի ապաբևեռացմանը և բարենպաստ մթնոլորտի ստեղծմանը ազատ, արդար ընտրությունների համար, բայց առայժմ միայն դա կարող եմ ասել»,- ասել է Պավել Հերչինսկին։

«Վրացական երազանքի» քաղխորհրդի անդամ, խորհրդարանի նախագահ Շալվա Պապուաշվիլին այսօր ասել է, որ «խորհրդարանական մեծամասնությունը որոշում է կայացրել վերսկսել Սալոմե Զուրաբիշվիլիի իմփիչմենթի ընթացակարգը»։