Պատվաստանյութը կլինի, սակայն չպետք է ունենանք չափազանցացված սպասումներ, որ մեկ կամ երկու ամսում այդ խնդիրը կկարգավորվի և համաշխարհային համավարակն կավարտվի,- այս մասին Վրաստանի վարչապետ Գիորգի Գախարիան հայտարարել է խորհրդարանում, «Վրացական երազանք» խմբակցության անդամների հետ հանդիպման ժամանակ:

Ինչպես նշել է կառավարության ղեկավարը, Վրաստանը COVAX հարթակի անդամ է, որը մեզ թույլ է տալիս Եվրոպա մատակարարվող պատվաստանյութերի ներկրելը:

«Վրաստանն արդեն COVAX հարթակի անդամ է, որը մեզ թույլ է տալիս Վրաստան ներմուծել Եվրոպա մատակարարվող պատվաստանյութերը: Մենք դրա համար նախապես տրամադրել ենք որոշակի ֆինանսական ռեսուրսներ: Այսօր ոչ ոք չի կարող հստակ ասել, թե երբ կիրականացվի այդ գործողությունը, բայց բոլորը պետք է հասկանան, որ Վրաստանը տարածաշրջանի առաջին երկրներից է, որը կստանա պատվաստանյութը և սկսի պատվաստումը ռիսկի տակ գտնվող մեր քաղաքացիներից:

Պետք է հիշել մի բան. Պատվաստանյութը հայտնվելուն պես դա չի նշանակում, որ խնդիրը կլուծվի մեկ-երկու ամսվա ընթացքում: Պատվաստանյութը ռիսկերը նվազեցնելու հնարավորություն է: Հետևաբար, պատվաստանյութը կլինի, սակայն չպետք է ունենանք չափազանցացված սպասումներ, որ մեկ կամ երկու ամսում այդ խնդիրը կկարգավորվի և համաշխարհային համավարակն կավարտվի: Սա պատասխանատվություն է, որը կրում է յուրաքանչյուր երկիր, ինչպես Եվրոպայում, այնպես էլ մեր գործընկերների կողմից: Բոլորը պետք է հասկանան, որ երբ մենք խոսում ենք մեր ժողովրդի հետ այս մասին, մենք պետք է զգանք ճիշտ սպասելիքներ ստեղծելու անհրաժեշտություն և դա շատ կարևոր է»,- հայտարարել է Գիորգի Գախարիան: