Սեպտեմբերի 3-ին Վրաստանի բասկետբոլի ազգային հավաքականը իր երկրորդ հանդիպումը կանցկացնի Եվրոբասկետի շրջանակներում։ Լրացուցիչ ժամանակում (76:79) Բելգիային պարտվելուց հետո մեր ընտրանին կհանդիպի A խմբի ֆավորիտի՝ Իսպանիայի հավաքականի հետ, որն առաջին խաղում 114:87 հաշվով հաղթել է Բուլղարիային։

Հանդիպումից առաջ իսպանացի գլխավոր մարզիչ Սերխիո Սկարիոլոն խոսել է Վրաստանի հավաքականի մասին և նշել, որ ուրբաթ օրը բարդ հանդիպում է սպասվում։

«Պատրաստվում ենք տանտերերի դեմ բարդ հանդիպմանը։ Մասնավորապես, պետք է հաշվի առնել երկրպագուների հսկայական աջակցությունը, որը նրանք ունեցան Բելգիայի դեմ խաղում: Առաջին հանդիպմանը նրանք սայթակեցին և հիմա կպայքարեն մինչև մահ, այս սխալը շտկելու համար, ուստի մենք պետք է պատրաստ լինենք»,- ասել է Սկարիոլոն։

Վրաստանի և Իսպանիայի հավաքականների հանդիպումը կմեկնարկի սեպտեմբերի 3-ին, «Թբիլիսի Արենայում» ժամը 21:00-ին։ Վրաստանի առաջին ալիքը կառաջարկի հանդիպման ուղիղ հեռարձակումը։