Ռուսական ուժերը հարձակողական գործողություններ են իրականացրել Սումիի հյուսիսային շրջանում, սակայն, ինչպես հայտնում է ԱՄՆ-ում գործող Պատերազմի ուսումնասիրության ինստիտուտը (ISW), հաստատված առաջընթաց չեն գրանցել։

Ինստիտուտի վերլուծաբանների տվյալներով՝ դեկտեմբերի 19-ին և 20-ին ռուսական բանակը գրոհել է Սումի քաղաքից հյուսիս գտնվող Անդրեևկա, Կոնդրատովկա և Վարաչինո բնակավայրերի մերձակայքում, ինչպես նաև Վիսոկոյեի մոտ՝ տարածաշրջանային կենտրոնից հարավ-արևելք։

Ուկրաինական լրատվամիջոցների փոխանցմամբ՝ անցած գիշեր ռուսական ուժերը մուտք են գործել Սումիի շրջանի Հրաբիվսկե գյուղ, որտեղից ավելի քան 50 խաղաղ բնակիչ հարկադրաբար տեղափոխվել է Ռուսաստանի Դաշնության տարածք։

Ուկրաինայի Զինված ուժերի գլխավոր կապի վարչության սպա Դմիտրո Լիխովը հայտնել է, որ ռուսական հարձակման արդյունքում ուկրաինական պաշտպանության ուժերը Հրաբիվսկեի մերձակայքում մի շարք դիրքերից նահանջել են։