ՊԱԾ. Ռուսաստանի օկուպացիոն ուժերը Էրգնեթի գյուղի մերձակայքում, օկուպացված տարածքում և օկուպացված Ցխինվալիի շրջանում ապօրինաբար ձերբակալել են Վրաստանի երկու քաղաքացու
Ռուսաստանի օկուպացիոն ուժերի ներկայացուցիչները Գորիի մունիցիպալիտետի Էրգնեթի գյուղի մերձակայքում, օկուպացված տարածքում և օկուպացված Ցխինվալիի շրջանի Սվերի գյուղի մերձակայքում ապօրինաբար ձերբակալել են Վրաստանի երկու քաղաքացու։ Տեղեկությունը հաղորդում է Պետական անվտանգության ծառայությունը։
Ծառայության տվյալներով՝ ապօրինի ձերբակալության հերթական փաստի վերաբերյալ տեղեկության ստանալուց հետո ակտիվացվել է Եվրոպական միության դիտորդական առաքելության կողմից գործարկվող «թեժ գիծը»։
Տեղեկությունը անմիջապես փոխանցվել է Ժնևյան միջազգային բանակցությունների համանախագահներին և միջազգային գործընկերներին։ Ակտիվացված են բոլոր առկա մեխանիզմները՝ Վրաստանի ապօրինի ձերբակալված քաղաքացիներին կարճ ժամկետում ազատ արձակելու նպատակով։