Պետական ​​անվտանգության ծառայության շենքի դիմաց ցույցին ձերբակալված վեց ակտիվիստին ազատ են արձակել ստորագրությամբ: Լրատվությունն այս մասին տարածում է ներքին գործերի նախարարությունը:

«Լեյբորիստական ​​կուսակցության» և այլ ընդդիմադիր կուսակցությունների երիտասարդական կազմակերպությունների, ինչպես նաև «Գաբեդե» շարժման ներկայացուցիչները ձերբակալվել են մանր խուլիգանության և ոստիկանությանը անհնազանդության մեղադրանքով:

Ձերբակալվածների թվում էր նաև «Լեյբորիստական» ​​կուսակցության առաջնորդ Շալվա Նաթելաշվիլիի որդին:

ՊԱԾ-ի մոտ անցկացվող ցույցի ժամանակ,  իրավապահները լրագրողներին ասել են, որ ցուցարարներին մի քանի անգամ նախազգուշացրել են, որ չփակեին ճանապարհը և չարգելափակեին շենքի մուտքը, սակայն նրանք չեն ենթարկվել պահանջներին: Իր հերթին ցուցարարները հայտարարել են, որ ոստիկանությունը նրանց ձերբակալել է այսպես կոչված «զեբրա» անցումով օգտվելիս:

Ցույցի մասնակիցները պահանջում էին ՊԱԾ-ի ղեկավարի հետ հանդիպում: