Պետական անվտանգության ծառայությունը Թբիլիսիում, Գաբրիել Սալոսի պողոտայում և Պանկիսիի կիրճում անցկացված հատուկ գործողության մասին տարածել է տեղեկություն և տեսագրություն:

«Ցանկանում ենք տեղեկացնել այս պահի դրությամբ գոյություն ունեցող տեղեկությունը նոյեմբերի 21-22-ին Թբիլիսիում, Գաբրիել Սալոսի փողոցում անցկացված հակաահաբեկչական հատուկ գործողության հետ կապված հետաքննության մասին:

Ինչպես տեղյակ եք, հատուկ գործողության ժամանակ Ախմեդ Չատաևը պայթեցրել է ինքն իրեն, իսկ ահաբեկչությունում մեղադրվող խմբի անդամները, Ռուսաստանի քաղաքացիները, Իբրագիմ Ադաշևը և Ասլանբեգ Սոլտախմադովը լիկվիդացված են, ինչպես նաև ձերբակալված է ահաբեկչության մեղադրանքով ինտերպոլի կողմից հետախուզման մեջ գտնվող Շոյաֆ Բորզիևը:

Հայտնաբերվել են կադրեր, որտեղ երևում է, թե ինչպես են Ախմեդ Չատաևի հանցակիցներ Շոյաֆ Բորզիևը, Ասլանբեգ Սոլտախմադովը և Թեմիրլան Մաչալիկաշվիլին տեղաշարժվում Թբիլիսիում:

Նշված կադրերը հանրայնացվել են այսօր:

Հետաքննությունը ընթանում է 331-րդ պրիմա հոդվածի երրորդ մասով: Որը նկատի ունի ահաբեկչության ֆինանսավորում: Որպես պատիժ նկատի ունի 17-ից 20 տարվա կամ ցմահ ազատազրկում»,- նշված է ՊԱԾ-ի հայտարարությունում: