Վրաստանի պաշտպանության նախարարությունը սկսել է Վրաստանի նախկին նախագահ Միխեիլ Սաակաշվիլիի ավիափոխադրումների վերաբերյալ կնքված պայմանագրերի գաղտնազերծման գործընթացը,- ասված է ՊՆ-ի տարածած հաղորդագրության մեջ։

Ինչպես հայտնում են գերատեսչությունում, նշված գործընթացն իրականացվում է գերատեսչությունում վհամապատասխան հանձնաժողովի կողմից՝ օրենսդրությանը համապատասխան։

«Հասարակության բարձր հետաքրքրության և ԶԼՄ-ներում տարածված տեղեկատվության հետ կապված՝ Վրաստանի պաշտպանության նախարարությունը սկսել է Վրաստանի նախկին նախագահ Միխեիլ Սաակաշվիլիի օդային ճանապարհորդության վերաբերյալ կնքված պայմանագրերի գաղտնազերծման գործընթացը։ Նշված գործընթացն իրականացվում է գերատեսչությունում համապատասխան հանձնաժողովի կողմից՝ օրենսդրությանը համապատասխան։ Այս գաղտնիությունը վերաբերում է պաշտպանության նախարարության և «Georgian Airways» ՍՊԸ-ի միջև 2010, 2011 և 2012 թվականներին կնքված պայմանագրերին։ Նշենք, որ նախարարի 2012 թվականի համապատասխան հրամանի հիման վրա Վրաստանի պաշտպանության նախարարության «Georgian Airways» ՍՊԸ-ի հետ կնքված երկու պայմանագրեր արդեն գաղտնազերծվել են։ Նշված պայմանագրերի սպասարկման նպատակով ՊՆ բյուջեից վճարվել է 14 մլն լարի»,- ասված է հաղորդագրությունում։