Վրաստանի պաշտպանության նախարարության տվյալներով, Թբիլիսիի քաղաքային դատարանն ամբողջությամբ բավարարել է Վրաստանի պաշտպանության նախարարության հայցը և պաշտպանության նախկին նախարար Դավիթ Կեզերաշվիլիին և Գնումների վարչության նախկին պետ Ալեքսանդր Նինուային համատեղ պարտադրել է 5 060 000 եվրոյին համարժեք լարիի վճարում՝ հօգուտ նախարարությանը:

«Դավիթ Կեզերաշվիլիին և Ալեքսանդր Նինուային Վրաստանի գլխավոր դատախազության կողմից մեղադրանք է առաջադրվել պաշտոնեական լիազորությունների չարաշահման և պետության կողմից խոշոր գումարների յուրացման համար։

Գործը վերաբերել է օֆշորային գոտում գրանցված «GIRWOOD BUSINESS CORP» ընկերության օգտին որոշակի ծառայությունների մատուցման համար խոշոր գումարի փոխանցմանը, սակայն նախարարությունն այս ծառայությունը չի ստացել։ Դավիթ Կեզերաշվիլին և Ալեքսանդր Նինուան մեղավոր են ճանաչվել Վրաստանի Գերագույն դատարանի 2021 թվականի սեպտեմբերի 7-ի դատավճռի հիման վրա։ Նույն դատավճռով սահմանվել է, որ նշված անձանց գործողությունների պատճառով ՊՆ-ին պատճառվել է 5 060 000 եվրոյի նյութական վնաս։

Գերագույն դատարանի որոշման հիման վրա Վրաստանի պաշտպանության նախարարությունը (որպես տուժող) նշված անձանց դեմ քաղաքացիական հայց է ներկայացրել Թբիլիսիի քաղաքային դատարան՝ նախարարությանը պատճառված վնասի հատուցման պահանջով», – ասված է Պաշտպանության հաղորդագրությունում: