Վրաստանի ՊՆ գլխավոր տեսչությունը համապատասխան ծառայողական ստուգման արդյունքում հաստատել է աշխատանքային պայմանագրով աշխատանքի ընդունված անձի նկատմամբ բանավոր սեռական ոտնձգության և սեռային հիմքով խտրականության փաստը,- Այս մասին ասված է Վրաստանի պաշտպանության նախարարության ռազմավարական հաղորդակցության և հասարակայնության հետ կապերի դեպարտամենտի.խ հաղորդագրության մեջ։

Մասնավորապես, ըստ գերատեսչության, գործը վերաբերում է աշխատանքային պայմանագրով աշխատող անձի բողոքին, նրա նկատմամբ սեռային հիմքով խտրականության և նույն հիմքով պայմանագիրը չերկարաձգելու խնդրին։

«Ծառայողական ստուգման արդյունքում գլխավոր տեսչությունը չի հաստատել աշխատանքային պայմանագիրը սեռային հիմքով չերկարաձգելու փաստը, իսկ սեռային հիմքով խտրականության փաստը հաստատելուց հետո կազմվել է նաև համապատասխան եզրակացություն պայմանագրով աշխատող ոտնձգության մեջ մեղադրվողին աշխատանքից ազատելու վերաբերյալ, ինչը հաշվի է առնվել ՊԲ-ի կողմից։

Նշված փաստը մեկ դեպք է, որին անմիջապես արձագանքել են, քանի որ ՊՆ-ն հատուկ ուշադրություն է դարձնում նմանատիպ մեղադրանքների մանրակրկիտ ուսումնասիրությանը։ Նախարարության քաղաքականությունն անհանդուրժող է ցանկացած տեսակի խտրականության, այդ թվում՝ գենդերային խտրականության նկատմամբ։ Գենդերային հավասարության սկզբունքների ներդրումն ու ամրապնդումը Վրաստանի եվրաատլանտյան ինտեգրման ճանապարհին կարևոր բաղադրիչներից մեկն է»,- ասված է ՊՆ-ի ռազմավարական հաղորդակցության և հասարակայնության հետ կապերի վարչության հայտարարության մեջ։