«Լիվերպուլը» համաձայնության է եկել Գիորգի Մամարդաշվիլիի տրանսֆերի հարցում: «Վալենսիայի» դարպասապահը կտեղափոխվի «Էնֆիլդ» մինչև 2025-26 մրցաշրջանի մեկնարկը։ Տեղեկությունը պաշտոնապես հաստատել են անգլիական ակումբից:

««Կարմիրները» պայմանագիր են կնքել 23-ամյա խաղացողի հետ, ըստ որի՝ նա կմնա Իսպանիայում մինչև ընթացիկ մրցաշրջանի ավարտը, իսկ հաջորդ ամառ կտեղափոխվի Մերսիսայդ։

Սա Եվրո-2024-ում Մամարդաշվիլիի տպավորիչ խաղի արդյունքն է, որտեղ Վրաստանի հավաքականը դուրս եկավ 1/8 եզրափակիչ։ Խմբային փուլի երեք խաղում վրացի դարպասապահի 21 սեյվերը դարպասապահի ցուցադրած լավագույն արդյունքն էին մրցաշարի պատմության մեջ։

Հավաքականի կազմում 21 հանդիպում անցկացրած դարպասապահը ևս մեկ մրցաշրջան կանցկացնի «Վալենսիայում», որտեղ 2021 թվականին «Դինամոյից» տեղափոխվելուց հետո խաղում է երեք տարի։

«Մինչ այժմ Մամարդաշվիլին Լա լիգայի թիմի կազմում անցկացրել է 102 հանդիպում և 31 անգամ չոր է պահել իր դարպասը (բոլոր մրցաշարերում)»,- ասվում է «Լիվերպուլի» հայտարարությունում։