Սննդի ազգային գործակալության տեսչական խմբերը Բաթումիի գյուղատնտեսական շուկայում ստուգումներ են անցկացրել։ Սննդի ազգային գործակալության տեղեկատվության համաձայն՝ մսի իրացման օբյեկտներում պետական ​​վերահսկողություն է իրականացվել , որտեղ ստուգվել են մսի պահպանման և իրացման պայմանները։

«Օբյեկտների մի մասը բավարարել է օրենսդրությամբ սահմանված պահանջները, սակայն մի մասում բացահայտվել են այնպիսի անհամապատասխանություններ, ինչպիսիք են սանիտարահիգիենիկ նորմերի խախտումները, առանց անասնաբուժական նշանների մսի իրացումը, ինչը նշանակում է, որ անասունները մորթվում են սպանդանոցը շրջանցելով:

Սննդի ազգային գործակալությունը Աջարիայի գյուղատնտեսության նախարարության և իրավապահների ներգրավմամբ իրականացրել է օրենքով նախատեսված միջոցառումներ՝ կնիքվել և շուկայից դուրս է բերվել 2,5 տոննա կասկածելի միս, տուգանվել տնտեսվարողները և դադարեցվել արտադրական գործընթացը։

Գործակալության կողմից տրված առաջարկությունների հիման վրա սանիտարական պայմանների բարելավման նպատակով շուկայում իրականացվել են մաքրման և լվացման-ախտահանման աշխատանքներ։

«Տեղի բնակչության և զբոսաշրջիկների առողջությունը պաշտպանելու համար Սննդի ազգային գործակալությունը հնարավորինս ակտիվացնում է մսամթերքի հսկողությունը սպանդանոցներում, ինչպես նաև մսի վաճառքի և հանրային սննդի օբյեկտներում», – ասաց գործակալության ղեկավարի տեղակալ Վասիլ Բասիլաձեն:

Այս տարվա հուլիս-օգոստոս ամիսներին ստուգվել է շուրջ 800 օբյեկտ, այդ թվում՝ սպանդանոցներ, մսի իրացման օբյեկտներ։ Կնքվել է մինչև 10 000 կգ միս»,- նշված է Սննդի ազգային գործակալության տեղեկատվության մեջ։