Պակիստանը հրթիռային հարված է հասցրել Իրանին: «BBC»-ի փոխանցմամբ՝ այս մասին տեղեկություն է տարածում հենց Պակիստանը։

Նրանց տվյալներով՝ թիրախը եղել է «ահաբեկիչների ապաստարան», իսկ իրանական լրատվամիջոցների տվյալներով՝ հարձակման հետեւանքով զոհվել է երեք կին եւ չորս երեխա։

Ավելի վաղ իրանական լրատվամիջոցները հայտնել էին, որ պայթյուն է որոտացել Պակիստանի սահմանամերձ Սարավան քաղաքի մոտ, ինչը հաստատել է Պակիստանի արտաքին գործերի նախարարությունը՝ ասելով, որ մի քանի ահաբեկիչներ սպանվել են հետախուզության վրա հիմնված գործողության արդյունքում։

Հիշեցնենք՝ երեկ Իրանը խախտել էր Պակիստանի օդային տարածքը, ինչի հետեւանքով երկու երեխա է զոհվել։ Պակիստանը հայտարարել է, որ կդադարեցնի բարձր մակարդակի դիվանագիտական ​​հարաբերությունները Իրանի հետ։