Պահեստազորայիները զինվորական երդում են տվել
Պահեստազորայիները զինվորական երդում են տվել

Վրաստանի պաշտպանության նախարարությունը շարունակում է տարածքային պահեստազորի ծրագիրը: Ազգային գվարդիայի 20-րդ կադրային բրիգադում համալրվել է նոր գումարտակ։ Կրծանիսիի հենակետում 204-րդ գումարտակի պահեստազորայինները հանդիսավոր երդում են տվել։

Վրաստանի պաշտպանության ուժերի ազգային գվարդիայի պետ, բրիգադային գեներալ Ռոման Ջոխաձեն դիմել է պահեստազորայիններին, շնորհավորել նրանց պահեստազորում զորակոչվելու կապակցությամբ և հաջողություններ մաղթել ծառայության մեջ։ Երդման արարողությանը ներկա են եղել Ազգային գվարդիայի ներկայացուցիչներ և Քվեմո Քարթլիի քաղաքապետարանի քաղաքապետերը։

Պահեստազորի ինտենսիվ մարտական ​​պատրաստությունն ընդգրկում է տարեկան մինչև 45 օր ժամանակահատված, որը հավասարաչափ բաշխվում է 12 ամսվա ընթացքում։ Ուսումնական դասընթացի հիմնական նպատակն է, որպեսզի պահեստազորայինները ստորաբաժանման դաշտային հանդիպումներում սովորեն իրական մարտական ​​հմտություններ։ Տարածքային պահեստազորի անցման ընթացքում քաղաքացիները կօգտվեն բժշկական ծառայություններից, ինչպես նաև կապահովվեն սոցիալական և իրավական պաշտպանվածությամբ։

Պահեստազոր ընդունվելը կամավոր է և փոխհատուցվող: Տարածքային պահեստազոր կընդունվեն Թբիլիսիի, Մցխեթայի, Կախեթիի, Իմերեթիի, Սամեգրելոյի, Աջարիայի, Գուրիայի և Քվեմո Քարթլիի մարզերում 18-ից 51 տարեկան Վրաստանի քաղաքացիները, այդ թվում՝ 18-ից 22 տարեկան ուսանողները։ Տարածքային պահեստազորում ընդգրկված քաղաքացիների հետ կկնքվի 4 տարվա պայմանագիր։ Նրանց վարձատրությունը կազմում է ամսական կոչումային աշխատավարձի 20%-ը, իսկ ստորաբաժանումում գտնվելու ընթացքում աշխատավարձը կստանան ամբողջությամբ։ Պահեստազորի տարեկան նվազագույն աշխատավարձը կազմում է 2700 լարի։

Տեղեկությունը տարածում է Վրաստանի ՊՆ մամուլի ծառայությունը։

Թողնել մեկնաբանություն