Քաղաքագետ Պաատա Զաքարեիշվիլին հայտարարում է, որ կլինի «Գախարիան հանուն Վրաստանի» կուսակցության Քութայիսիի քաղաքապետի թեկնածուն։

Նրա խոսքով՝ առաջարկը անսպասելի էր։

«Ինձ հետ բանակցությունները սկսվել են օգոստոսի 9-ին։ Ես համաձայնվել եմ և «Գախարիան հանուն Վրաստանի» կուսակցության Քութայիսիի քաղաքապետի թեկնածուն եմ։ Որոշումը հեշտ չեմ կայացրել, մի քանի օր մտածել եմ, հետո խորհրդակցություններ եմ ունեցել, հանդիպել եմ մի քանի մարդկանց հետ, առաջարկը անսպասելի էր։ Խորհրդարանական ընտրություններից հետո երկրորդ օրվանից կոչ եմ անում քաղաքական կուսակցություններին պատրաստվել տեղական ինքնակառավարման մարմինների ընտրություններին։ Որպես քաղաքացի՝ իմ սկզբունքային դիրքորոշումն է մասնակցել բոլոր ընտրություններին, քանի որ ընտրությունները եզակի իրադարձություն են, խթանել փոփոխությունները», – ասել է Պաատա Զաքարեիշվիլին։