«Ստրատեգիա Աղմաշենեբելիի» անդամ Պաատա Մանջգալաձեն պատերազմին ներգրավվելու վերաբերյալ Վիկտոր Օրբանի և Ռեջեփ Թայիփ Էրդողանի հայտարարությունները քարոզչություն է որակում։

Նրա խոսքով, «Վրացական երազանքը» իբր խաղաղության կողմն է։

«Ինչպես Օրբանի դեպքում, քարոզչություն է արվում, որ ես մտածում եմ Հունգարիայի շահի մասին և չեմ խառնվելու պատերազմին, նույնը Թուրքիայի դեպքում է։ Ո՞ր ճակատով պետք է ներգրավվի, այո, նա ներգրավված է Սիրիայում և որտեղ է մյուս ճակատը, որտեղ պետք է ներգրավվի: Որտե՞ղ պետք է բացվի երկրորդ ճակատը։ Ինչ-որ տեղ ուղիղ կապ ունի՞ Ռուսաստանի հետ, և մենք չգիտե՞նք։ Ինչ ճակատ, սա սովորական քարոզչություն է, այդ թվում՝ Էրդողանի կողմից։ Նրան դուր է գալիս հունգարական նարատիվը, որ եթե դու ընտրություն ես տալիս պատերազմի և խաղաղության միջև, ժողովուրդն ընտրում է խաղաղությունը: Իբր «Վրացական երազանքը» խաղաղության կողմն է, մինչդեռ ռուսական խաղաղություն չկա։ Երբ «Վրացական երազանքը» անպատվում է եվրոպացի առաջնորդներին ու Վրաստանին մենակ թողնում Ռուսաստանի դեմ, սա խաղաղություն չէ, սա Բուչայի խաղաղությունն է, սա օգոստոսի 8-ի խաղաղությունն է, Աբխազիայի ու Ցխինվալիի խաղաղությունն է»,- ասել է Պաատա Մանջգալաձեն։

Տեղեկության համար, Թուրքիայի նախագահ Ռեջեփ Թայիփ Էրդողանն ասել է. «Եթե չլինեին մեր ջանքերը վերջին երկու տարիներին, ապա արևմտյան ակումբը Թուրքիային կներքաշեր Ռուսաստանի դեմ պատերազմի մեջ»։