Համաձայն եմ Զուրաբ Ջափարիձեի հայտարարության հետ, պետք է բևեռացում լինի ռուսամետների և արևմտամետների միջև,- այս մասին ասել է «Ստրատեգիա Աղմաշենեբելի»-ի անդամ Պաատա Մանջգալաձեն։

Մանջգալաձեի խոսքով՝ ռուսամետները քիչ են մնալու, և նրանք հեշտությամբ կհեռացվեն իշխանությունից։

«Ես 100 տոկոսով համաձայն եմ Զուրա (Գիրչի) Ջափարիձեի հայտարարության հետ։ «Ստրատեգիա Աղմաշենբելին» ավելի վաղ խոսել էր, որ արեւմտամետ մեծամասնությունը, ցավոք, կառավարվում է ռուսամետ փոքրամասնության կողմից։ Այո, պետք է հատել սահմանը, բևեռացում պետք է լինի ռուսամետների և արևմտամետների միջև։ Իհարկե, քիչ ռուսամետներ կմնան, այս բոլոր մարդկանց կտեսնենք, կհաշվենք ու հեշտությամբ կհեռացնենք իշխանությունից։ Խնդիրը հենց սա է, քանի որ մենք չենք կարող տարբերել միմյանցից, թե ով է իսկական վրացամետ, արևմտամետ և պուտինիստ, ռուսամետ։ Այս միության խնդիրն է նրանց զատել միմյանցից, հղկել ռուսամետ, չարամիտ և իսկական հայրենասեր վրացիներին»,- ասել է Մանջգալաձեն։

Միևնույն ժամանակ, լրագրողները Մանջգալաձեին հարց են ուղղել. «Դուք միավորվում եք Եվրամիության 12 կետերի ոգով, և առաջին կետը վերաբերում է ապաբևեռացման մեկնարկին», ինչին Մանջգալաձեն պատասխանել է. «Իշխանությունը, որ այսօր մի հեռուստատեսություն կփակի, հետո մյուսը, երրորդը, կկալանավորի ու կդատի ղեկավարներին, այդ պահին բերանս ջուր կառնեմ ու կասեմ. ոչինչ չեմ կարող ասել, ապաբևեռացումը գրված է հանձնարարականում և ինչպես կարելի է խոսել այդ մասին:

«Գիրչի-Ավելի ազատություն» կուսակցության առաջնորդ Զուրաբ Ջափարիձեն ասել է, որ «ճիշտ ճանապարհը բևեռացումն է, երկրորդ ուժեղ բևեռը ստեղծելը»։