«Ռազմավարությունը՝ շինարար»-ի անդամներից Պաատա Մանջգալաձեն «Vivamed» կլինիկայում այցելել է Վրաստանի երրորդ նախագահ Միխեիլ Սաակաշվիլիին։

Ինչպես ասել է Մանջգալաձեն, Սաակաշվիլին չի կարող ինքնուրույն շարժվել և նշել է, որ հոգեպես ամուր է։

«Ես ու Միխեիլ Սաակաշվիլին մեկ ժամ զրուցեցինք։ Իմ տեսողական դիտարկմամբ՝ ես բժիշկ չեմ, մարդը թույլ է և չի կարող ինքնուրույն տեղաշարժվել, բայց ուղղակիորեն կարող եմ ասել՝ ներքուստ, հոգեպես, նա ուժեղ է։ Նա շատ վստահ է և հավատում է Ուկրաինայի հաղթանակին, ինչպես նաև հավատում է, որ վրաց ժողովուրդը կհասնի եվրաինտեգրման գործընթացին։

Ինչ վերաբերում է տեղափոխությանը, ապա, ինչպես մեզ ասում են անձնական բժիշկները, փաստաբանները, Վրաստանում հնարավոր չէ լիարժեք համապատասխան, համարժեք բժշկական ծառայություններ ստանալ՝ ելնելով ախտորոշումից։ Դրա համար էլ դրվում է նրան արտերկիր տեղափոխելու հարցը։ Իհարկե, որպես Վրաստանի խորհրդարանի անդամ, ես աջակցում եմ այս նախաձեռնությանը, քանի որ 21-րդ դարում երրորդ նախագահը չի կարող մահանալ բանտում կամ նույնիսկ հիվանդանոցում, քանի որ մենք չենք կարող ապահովել համապատասխան բժշկական ծառայություն։ Մենք չխոսեցինք քաղաքական թեմաներից, նա խոսեց եվրաինտեգրման և ուկրաինական խնդիրների մասին»,- ասել է Պաատա Մանջգալաձեն։