Մայիսի 15-ի հանրահավաքի վերաբերյալ ընդդիմության ծրագիրը նախատեսում է 100 հազար մարդ հավաքել Ազատության հրապարակում, – ասաց «Ռազմավարությունը՝ շինարար» կուսակցության անդամ Պաատա Մանջգալաձեն:

«Ընդդիմությունը մայիսի 15-ի հանրահավաքի հետ կապված ծրագիր ունի: Ընդդիմությունը ստացել է մեկ միլիոն ձայն և համոզել ժողովրդին, առնվազն 10 տոկոսին, մայիսի 15-ին հարյուր հազար մարդ հավաքել Ազատության հրապարակում», – ասաց Մանջգալաձեն:

Ըստ նրա, որպեսզի «Վրացական երազանքը» հեռանա իշխանությունից, անհրաժեշտ է մշակել երկու մեխանիզմ՝ մեկը միջազգային հանրության ազդեցությունը, իսկ մյուսը՝ քաղաքացիների ակտիվ ներգրավվածությունը:

«Վրացական երազանքը» գրավել է իշխանությունը, և մենք գիտենք, որ ոչ ոք գողացվածն ինքնակամ չի զիջում: Անհրաժեշտ է ունենալ երկու մեխանիզմ, առաջինը՝ միջազգային ազդեցությունն է, իսկ երկրորդը` հասարակության ակտիվ ներգրավվածությունը որոշումների կայացման գործընթացին: Հենց երկու մեխանիզմները միաժամանակ մտնեն համակարգ, «Վրացական երազանքը» կհրաժարվի գրաված իշխանությունից, այսինքն՝ համաձայնություն ձեռք կբերվի», – ասաց Մանջագալաձեն: