«Վրացական երազանքի» օրինագիծը ոչ մի կապ չունի ամերիկյան օրինագծի հետ. Այդ մասին խոսել է ԱՄՆ դեսպանը, այդ մասին խոսել է ԱՄՆ Պետդեպարտամենտի ներկայացուցիչը,- այս մասին հայտարարել է «Ռազմավարություն Աղմաշենեբելիի» անդամ Պաատա Մանջգալաձեն։

Նրա խոսքով՝ ընդդիմադիր կուսակցությունները չպետք է աջակցեն «Ժողովրդի ուժի» նախաձեռնած օրինագծին։

«Այդ օրենքը վերաբերում է օտարերկրյա կառավարությունների կողմից ֆինանսավորվող լոբբիստներին և կազմակերպություններին, և նրանք Ամերիկայի անունով ներմուծեցին ռուսական օրենք, որը վերաբերում է բոլոր կազմակերպություններին, որոնք ֆինանսավորում են ստանում դրսից։ Ամոթ է, ամոթալի է, երբ «Վրացական երազանքը» Եվրոպային ինտեգրվելու փոխարեն հասարակությանն առաջարկում է ռուսական օրենքներ։ «Վրացական երազանքն» ունի բավարար թվով ձայներ. Ընդդիմադիր կուսակցությունը, որը կաջակցի այս օրենքին, ընդդիմադիր կուսակցություն չէ, այն «Վրացական երազանքի» արբանյակն է»,- ասել է Մանջգալաձեն։