Օզուրգեթիում անցկացվել է ցույց՝ ի պաշտպանություն «Նամախվանի ՀԷԿ»-ի կառուցման հակառակորդների: «Ո’չ ՆամախվանՀԷԿ-ին», «Վրաստանը չի վաճառվում» – ցույցն ընթանում էր այս բովանդակությամբ պաստառների ֆոնին:

Հավաքվածների հայտարարությամբ, նախագիծը վնաս կհասցնի էկոհամակարգին, գյուղատնտեսության ոլորտներին և մարդու առողջությանը: Ըստ նրանց, հիդրոէլեկտրակայանների հարցը հատկապես արդիական է Գուրիայի համար:

«Գուրիացիները հենց սկզբից ակտիվորեն կանգնած էին Ռիոնի կիրճի պաշտպանների կողքին: Մենք մասնակցել ենք բոլոր հանրահավաքներին և կիսել նրանց պահանջները: Շատերը ի վիճակի չեն գալ Գումաթի և նրանց հետ լինել, ուստի մենք որոշեցինք այս հանրահավաքն անցկացնել այստեղ: Մենք մեր համերաշխությունն ենք հայտնում Ռիոնի կիրճի պաշտպաններին և ցանկանում եմ ասել, որ Գուրիայի գետերը նույնպես պետք է պաշտպանել: Մեզ համար շատ կարևոր է, որ այս նախագիծը չեղարկվի, և մենք դա համարում ենք դավաճանական նախագիծ երկրի համար», – հայտարարել է Գուրիայում միջավայրի պաշտպանական «Էկո» կազմակերպության նախագահ, ցույցի կազմակերպիչ Իրմա Գորդիլաձեն: