Գուրիայի շրջանում երկրաբանները շարունակում են աշխատել աղետի գոտում։ Միաժամանակ մարդասիրական օգնություն է բաշխվում տուժած քաղաքացիներին։
Միաժամանակ համապատասխան ծառայությունների կողմից իրականացվում են ճանապարհների մաքրման աշխատանքներ։
Օզուրգեթիի քաղաքապետ Ավթանդիլ Թալակվաձեի խոսքով, Նագոմար գյուղի մայրուղու վրա ժամանակավոր կամուրջ է կառուցվում, տեղում աշխատում է ծանր տեխնիկան և նախագծային թիմը։
«Աղետը խնդիրներ է ստեղծել նաեւ Չոքլաուրի շրջանի Ջումաթի գյուղում, որտեղ սողանքների զարգացման հետեւանքով վնասվել են ճանապարհն ու բնակելի տները։ Ներկայումս «Սատիս» մունիցիպալ ջրամատակարարման ընկերության տեխնիկական խումբն ակտիվ աշխատանքներ է տանում ջրամատակարարումը հնարավորինս արագ վերականգնելու ուղղությամբ։ Այժմ մեր առաջնահերթությունը քաղաքացիներին օգնություն ցուցաբերելն է, կրիտիկական ենթակառուցվածքների վերականգնումը և վնասի գնահատումը»,- ասել է Օզուրգեթիի քաղաքապետ Ավթանդիլ Թալակվաձեն։
