Մեր խնդիրն էր և կա հեշտացնել ցորենի արտադրությունը երկրում,- կառավարության նիստի ավարտից հետո ասաց Շրջակա միջավայրի պահպանության և գյուղատնտեսության նախարար Օթար Շամուգիան։

«Մենք այս մասին հայտարարել ենք և կոնկրետ քայլեր ձեռնարկել։ Արտոնյալ ագրովարկի ձևով շրջանառու միջոցներով ֆինանսավորել ենք շուրջ 4000 ֆերմերների և խրախուսել ենք հացահատիկային մշակաբույսերի արտադրությունը խթանելու համար»,- ասաց Շամուգիան։

Ինչպես նշեց նախարարը, 2022 թվականին, ըստ նախարարության նախնական տվյալների, կգրանցվի մոտ 50 տոկոս աճ, ինչը նշանակում է, որ 2022 թվականին հանրապետությունում կարտադրվի մինչև 150 հազար տոննա ցորեն։

«Մի քանի անգամ եկել էին ամերիկացի փորձագետներ։ Նրանցից կոնկրետ առաջարկների ենք սպասում։ Նրանք կուսումնասիրեն ցորենի արտադրության ողջ արժեշղթան և, համապատասխանաբար, մեզ առաջարկություններ կտան ոլորտի խթանման ուղղությամբ։ Դրանից հետո մենք լրացուցիչ միջոցառումներ կանցկացնենք»,- ասել է Օթար Շամուգիան։