Խորհրդարանի բյուրոյի այսօրվա նիստում կներկայացվեն փոփոխություններ, որոնք նախատեսում են էթնիկ փոքրամասնությունների համար ստեղծել ավթենտ ազգանուն տալու կոնկրետ մեխանիզմ:

«Վրաստանում բնակվող որոշ էթնիկ խմբերի ներկայացուցիչների ազգանունները ստեղծվել են արհեստականորեն՝ նույն էթնիկ խմբի պատմամշակութային ավանդույթներին ոչ բնորոշ մեթոդով։ Վրաստանում ազգանվան փոփոխության այս պրակտիկան սկիզբ է առել Ռուսական կայսրության ժամանակաշրջանից։ Այս գործընթացը հատկապես սրվեց խորհրդային տարիներին, երբ ուծացման քաղաքականության միջոցով բռնի կերպով փոխվեցին մի շարք էթնիկ խմբերին բնորոշ ազգանունները, ինչը թելադրված էր ռուսաց լեզվի գերակայությամբ։ Այս գործընթացը միայն Վրաստանում չի եղել։ Օրինակ՝ Խորհրդային Միությունից հետո ադրբեջանական ազգանունների վերջավորությունները ձեռք են բերել ռուսական ազգանունին բնորոշ վերջավորություններ։ Հայտնի է, որ նմանատիպ մոտեցում կիրառվել է Վրաստանում և Խորհրդային Միության այլ երկրներում ապրող այլ էթնիկ խմբերում (եզդիներ, հույներ):

Եղել են դեպքեր, երբ ազգանունը չի փոփոխվել, այլ ամբողջովին արհեստականորեն ձևավորվել և վերագրվել է։ Էթնիկ փոքրամասնությունները զրկվել են իրենց ինքնությանը բնորոշ ազգանուն կրելու իրավունքից, իսկ մշակութային անհիմն գերիշխանության այս մեթոդի կիրառմամբ՝ այդ անձինք զրկվել են սեփական, իսկական ազգանուններ ունենալու հնարավորությունից»,- ասված է օրինագծում։

Փոփոխություններով կստեղծվի ժամանակավոր հանձնաժողով, որը իրավասու կլինի ուսումնասիրել և արդարադատության նախարարին ներկայացնել ազգությունների ցուցակ, որոնց նկատմամբ տեղի է ունեցել ոչ ավթենտ ազգանուններ տալու պրակտիկա։ Հանձնաժողովը նաև իրավասու կլինի մշակել և նախարարին ներկայացնել ազգանունների փոփոխության մեթոդաբանություն՝ որպես առաջարկություն։

Ինչպես նաև, օրենքի նախագծի հիման վրա արդարադատության նախարարին իրավասու է հրաման արձակել ազգանվան փոփոխության և դրա հետ կապված հարցերը կարգավորելու ընթացակարգերի վերաբերյալ։ Նույն հրամանով սահմանվում է նաև ազգանվան փոփոխության կարգի հետ կապված ծառայությունների վճարը։