Օմանի մայրաքաղաք Մուսկատում մզկիթի մոտ հրաձգության հետևանքով 4 մարդ է զոհվել, մի քանիսը վիրավորվել են

13:12, 16.07.2024

Օմանի մայրաքաղաք Մուսկատ քաղաքի մզկիթներից մեկի մոտ տեղի ունեցած հրաձգության հետևանքով չորս մարդ է զոհվել, մի քանիսը վիրավորվել են։

Լրատվամիջոցների տվյալներով՝ հարձակման դրդապատճառը այս պահին հայտնի չէ։ Փաստի առթիվ իրավապահները սկսել են հետաքննել։

Հարկ է նշել, որ նման հարձակումները հազվադեպ են լինում Օմանում, և դա Մերձավոր Արևելքի տարածաշրջանի ամենակայուն և խաղաղ երկիրն է։

Միջադեպի պատճառով Օմանում ԱՄՆ դեսպանատունը զգուշացրել է ամերիկացի քաղաքացիներին՝ զերծ մնալ դեպքի վայրին մոտենալուց։

Հեղինակ - edgar barsegyan