Օլիվեր Վարհեյ. Վրաստանն ակտիվորեն աշխատում է բոլոր 12 առաջնահերթությունների իրականացման ուղղությամբ, մենք դրական փոփոխություններ ենք տեսնում դատաիրավական բարեփոխումների ուղղությամբ, կոռուպցիայի դեմ պայքարում
Առաջիկա շաբաթների և ամիսների ընթացքում Վրաստանը պետք է մեծ ճնշում գործադրի ցույց տալու, որ պատրաստ է դառնալ թեկնածու,- այս մասին Վրաստանի վարչապետ Իրակլի Ղարիբաշվիլիի հետ համատեղ մամուլի ասուլիսում հայտարարել է ընդլայնման և հարևանության հարցերով եվրահանձնակատար Օլիվեր Վարհեյը։
Ինչպես նշել է Օլիվեր Վարհեյը, այս ցանկությունը կիրականանա միայն այն դեպքում, եթե ամբողջ երկիրը, ողջ Վրաստանը, բոլոր վրացիները երկրի ներսում և դրսում աշխատեն այդ նպատակի համար։
«Վստահ եմ, որ պատմությունը երբեք նույն հնարավորությունը երկու անգամ չի տալիս։ Դրա համար մենք պետք է օգտվենք այս հնարավորությունից և այն իրականություն դարձնենք։ Դա անելու համար մենք պետք է կատարենք 12 առաջնահերթություններ։ Պետք է լավ պատմություն ցույց տանք այս ուղղությամբ, ես ուրախ եմ, որ այստեղ կարեւոր որոշումներ, առաջարկներ են ընդունվում ու պատրաստվում խորհրդարանում։ Ես տեսնում եմ, որ Վրաստանի կառավարությունն ակտիվորեն աշխատում է այդ հարցով, որպեսզի բոլոր 12 առաջնահերթությունները կատարվեն։ Մենք արդեն իսկ տեսնում ենք դրական փոփոխություններ դատական համակարգի բարեփոխման ուղղությամբ, մենք առաջընթաց ենք տեսնում կոռուպցիայի դեմ պայքարում, որտեղ Վրաստանը առաջադեմ երկիր է։
Ուզում եմ ընդգծել հետևյալը, որքան արագ Վրաստանը կատարի այդ վերապահումները, այնքան ավելի արագ Վրաստանի քաղաքացիները կստանան այն արտոնությունները, որոնք ձեզ են հասնում թեկնածուի կարգավիճակի շնորհման հիման վրա։ Մենք ժամանակ չունենք կորցնելու։ Մեր կողմից մենք պատրաստ ենք աշխատել ձեզ հետ, օգնել ձեզ ամեն քայլափոխի այդ նպատակին հասնելու ճանապարհին, քանի որ Վրաստանը մեզ շատ հստակ ցույց է տվել իր ցանկությունն ու մտադրությունը, երբ դիմել է անդամակցության»,- ասել է Վարհեյը։
