Ցույցերից հետո իշխող կուսակցությունը հայտարարեց օրենքը հետ կանչելու իր որոշման մասին, իսկ հաջորդ օրը խորհրդարանը մերժեց օրենքը։ Երկու օրենքների նախագծերի հետկանչը դրական և հուսադրող նշան է, հայտարարել է ընդլայնման հարցերով եվրահանձնակատար Օլիվեր Վարհեյը Եվրախորհրդարանում Վրաստանում առկա իրավիճակի վերաբերյալ բանավեճի ժամանակ։

Բացի այդ, նրա խոսքով, վրացիների ապագան Եվրամիությունում է, և Վրաստանը պետք է համապատասխանի չափանիշներին և պահպանի արժեքները։

«Վերջին մի քանի օրերի ընթացքում հազարավոր վրացիներ օգտվել են խաղաղ հավաքների և բողոքի ցույցերի իրենց իրավունքից՝ ընդդեմ արտաքին ազդեցության թափանցիկության մասին օրենքի առաջին ընթերցման։ Ամբողջ երկրում տղամարդիկ ու կանայք դուրս են եկել փողոց։ Նրանք ձեռքներին բռնել են եվրոպական դրոշներ՝ ևս մեկ անգամ հիշեցնելու իրենց նվիրվածությունը ժողովրդավարությանը, մեր ընդհանուր եվրոպական արժեքներին և դեպի Եվրամիություն Վրաստանի ուղին։ Այս ցույցերից հետո իշխող կուսակցությունը հայտարարեց օրենքը հետ կանչելու իր որոշման մասին, իսկ հաջորդ օրը խորհրդարանը մերժեց օրենքը։ Երկու օրինագծերի հետկանչումը դրական և հուսադրող նշան է։

Վրացիներն ապագա ունեն Եվրամիությունում. Անցյալ տարվա հունիսին Վրաստանին տրված եվրոպական հեռանկարը ավելի սերտացրեց հարաբերությունները՝ Եվրամիության ընդլայնման շրջանակներում, որը հիմնված է Ասոցացման համաձայնագրով ամրապնդված երկարաժամկետ համագործակցության վրա։ Եվրոպական ճանապարհը Վրաստանում ստանդարտների բարձր նշաձող է սահմանում: Վրաստանը պետք է համապատասխանի չափանիշներին և պահպանի արժեքները. Սա ուղեկցվում է մեծ ուշադրությունով և մոնիտորինգով, բարեփոխումներ իրականացնելու անհրաժեշտությամբ, այն նաև մեզ տալիս է ավելի լայն գործիքներ, որոնք կունենան Վրաստանն այս գործընթացում»,- ասել է Օլիվեր Ուորհեյը։

Օլիվեր Վարհեյի կարծիքով՝ բարեփոխումների և Եվրահանձնաժողովի կողմից սահմանված առաջնահերթությունների ուղղությամբ աշխատանքները պետք է շարունակվեն։